  |
    |
遊戲都一玩完啦，即刻入房換衫先，又係好快咁搞掂，出到去，仲可以坐一下，之後就由酒樓經理安排出去送客，幫我地排好位，等左一陣都就開始有人走啦，大家都好開心，又食又拎咁。
有時間又影下相先~
送完客，佈置公司要等我地話ok先拆得野，呢個時候再各別同d兄弟姊妹影下相先。
全日客即攝影師，係我中學同學0黎架，全日都有好多人意為佢係請番0黎架，連我亞媽一開始都意為係請番0黎，我係話佢知先知係同學。全日都好多謝佢同我影左好多，咁快有相睇都要多謝佢。
搞掂哂所有嘢就埋單啦，埋單都好順利，會同我地點清楚飲左幾多酒，剩低幾多，又唔會問我地比tips。
一切都搞掂啦，好似發左場夢咁~番到屋企，整理好d野，已經3:00啦，終於可以瞓啦，奮戰左48小時啦~
敬完酒就玩遊戲啦，原本我冇諗住玩，因為怕台有台玩，賓客會好悶，但我班姊妹好有心思咁諗到一d遊戲，係可以大家一齊玩架，咁就唔怕悶啦。原本有3個遊戲，不過因為唔夠時間，所以淨係玩左2個。
第一個遊戲 : (愛的宣言)
用番朝早愛的宣言既內容，不過每一句都拆散左d字，要賓客幫手拼番一句，8圍啱啱好8句。
大家努力咁完成左啦，不過拼錯左嘢，所以變左搞笑版。
之後老公就要讀番出0黎，大家仲有打拍子比佢架。
第二個遊戲 : (祝賀之旅)
首先用背夾住個氣球，之後要拎住塊版每一圍行，要賓客係版上寫低祝福語，途中係唔可以跌氣球架，如果時間到，或者跌左氣球，當然要罰啦。
大家都為我地寫左好多祝褔語。
寫完之後就讀番0黎啦，有好多都好搞笑。
雖然氣球冇跌，不過就過左時間，唯有受罰啦，好彩只係鍚鍚。
好開心咁玩完啦，咁就要預備送客啦。
坐低食左件乳豬就返房換衫啦，換好衫，出番0黎見到我第二味餸有火仔熱住，真係幾好架，可以食番之前果d餸，仲係熱架。呢樣服務真係唔錯唔錯。由於換衫同換妝都好快，所以可以食到翅，而且仲係啱啱上添，仲分緊菜，初初諗住咩都冇得食，實餓死，但好彩hana快手，連埋助手，有成3個人幫我轉妝轉頭轉首飾，所以勁快。結果係可以食到好多嘢，只係最後甜品同麵飯冇食，仲係連見都冇見過。不過聽人講好好味，而且我炒飯轉左蠟味糯米飯，d人就算食唔side，好多都打包拎走，果然揀糯米飯係正確架，就算返到屋企翻熱都仲好好味。
好~話咁快食完個翅，經理就埋0黎話要敬酒啦，佢會帶我地行，所以跟住佢就得啦~
大家預備下先~
其實我地好少人，不過唔知點解敬酒時咁多人，連自己係邊都睇唔到，只係見到隻手。
最後就同老爺奶奶同亞媽敬酒，咁又完成啦。
成個敬酒過程都好快，可能圍數少。之後grace都叫我地同未影相既人補影。呢度又要一讚，亞grace真係好好，係之前每一圍去問過有冇人未影相，check好啦，就叫我地過去，一次過搞掂。
終於都到最緊張時刻啦~由於出口係場中間，所以要鬼鬼祟祟咁去番門口，真係好搞笑
我就係門口先轉造型，咁就新鮮d啦~之後老公同d兄弟安排好坐位，人人都坐定定就開始放片啦。老公仲成日問我緊唔緊張，原本唔緊張，都比佢搞到好緊張添。係門口時仲有兩個酒樓既姐姐係度，佢地同我地講要點做，有時間仲係門口預演下點行添。
好啦~片都播完，終於要開始今日第二part重要環節啦。
進場前酒樓姐姐敎我踢起小小條裙，就可以唔駛拎住都行到，但來係唔得架，結果要拎住，冇手揮唯有點下頭啦~一路行一路放花炮，初初比第一下花炮嚇親，因為好大聲，突然"嘭"一聲，搞到耳仔都聾左一陣，不過兄弟姊妹好識放花炮，唔會彈到我地塊面，又係我地後面散開，好正架。
行完就係切蛋糕啦，原本諗住切左真蛋糕，唔想切假蛋糕，不過酒樓經理話咁會靚d好睇d，所以就切啦。
祝酒由老公開香檳，由於老公開時搖左小小，我好驚會噴哂d香檳出0黎，所以就行少少，結果比老公話我冇義氣。
之後就定情一吻啦，初初鍚面，但大家好似唔滿意，唯有鍚多下咀啦。
致詞時其實冇諗過講乜，原本諗過諗定台詞，不過因為好忙，結果唔記得左。到致詞時就語無論次，不過都係果幾句，多謝亞爸亞媽咁啦~
完成左呢一part，終於都有野食，可以上菜啦。
留低菜單做紀念~
上菜啦~
原本想影全部菜的，但後期大家顧住食，都冇幫我影~所以只有頭四味~
7:00左右，d賓客終於都開始到啦，全日最攰係呢個時間，一定做活動佈景版，又要keep住笑，真係好攰好辛苦，有d親戚之前朝早冇0黎，都係呢段時間補斟茶，但唔知點解佢地真要係好遲先0黎到0羅。
影相時間都冇混亂，可能因為人少，朋友同同事都好合作，一叫咪就出0黎影相，老爺d朋友都係，老爺自己見朋友0黎得7788，就走0黎問下我地影唔影得，當然得啦，快d搞掂好d。反而係d親戚，遲到又有，影完又影，多多要求都有，差在未幫佢一家影埋全褔咋。
當然最先係同班兄弟姊妹影左先啦，以免一陣冇時間，唔記得左。
遲左0黎要斟番茶，由於大家都話唔駛跪，結果係酒樓冇跪過~
有時間番去同d 親戚傾下計先~
差唔多到8:45就要進場啦~
